Lied zum Prix Chronos 2010

Hauzi, 15. April 2010

(Melodie: Borki)

 

Jedes Jahr wird s Früehlig, u de git s e schöne Prys.

Für die, wo gärn läse, füehrt dä grad i ds Paradys.

Der Prix Chronos meinen i, für dä isch s wieder Zyt:

Alli, wo gärn Büecher hei, die hei sech gfröit uf hüt.

Jedes Jahr isch die Prix-Chronos-Zyt,

Wo s für Gross u Chly Feins z läse git.

Füüf Prix-Chronos-Büecher stö zur Wahl,

So wird d Läsefröid total.

 

 

Chronos, das isch Griechisch, und uf Dütsch bedütet s «Zyt».

Aber s heisst ou «Jahr» u «Takt» – dä, wo s ir Musig git.

Drum isch s für dä Chronos jedes Jahr mal einisch Zyt.

Für e Musigtakt macht eine mit so Lieder mit.

 

 

Wieder het s füüf Büecher ggä – erfunden oder wahr –

Mit vil Chind drinn u mit Grosse bis vil hundert Jahr.

Grad zwo Emmas het s dasmal, u beidi gö a ds Meer.

Opas, Tante, Eltre, Häxe – d Uswahl fallt eim schwär.

 

 

Letschts Jahr no hei Alt u Jung verschidni Liebling gha.

Sithär hei sech d Generatione zämeta

U hei ds glyche Buech usgwählt, u zwar eis, wo drinn ou

Gross u Chly tüe zämehäbe, das tuet allne wou.

 

 

Wele vo de füüf Buechtitel chönnti s ächt de si?

I cha nech verrate: Ja, en Emma isch derbi.

Und e Musigtakt spilt ou e Rolle, das isch wahr:

S wird am Sunntig Walzer tanzet währed mängem Jahr.

Das wär wieder der Prix Chronos gsy.

Ja, die Fyr geit immer schnäll verby.

U die nächschte Büecher lade gly

Zum Prix-Chronos-Läsen y.