Lied zum Prix Chronos 2009

Hauzi, 23. April 2009

(Melodie: Irisches Volkslied)

 

Jetz isch dä Prix Chronos, mi Tüüri,
Scho füüf büecherrychi Jahr alt.
E füüfhundert Chöpf starchi Jury
Wählt Büecher uus mit bsundrem Ghalt.
Das Jahr chunnt d Jin Ling vor, u d Lola,
Ivan, Nora, Moritz – da lue:
Die chöi mir i üsi Chöpf cho la
Mit spannende Gschichte derzue.

 

Zersch der Favorit vo de Junge.
Chly u Gross hei für enang ds Ohr,
Verstö sech u hei enang gfunge.
Ou bsunderi Tier chöme vor.
E bluemige Namen isch wichtig,
U vil gscheht im Grüne, im Gjätt:
Wär Tiger im Park gseht, ligt richtig.
U zletscht wird der Chef sogar nätt.

 

Ou ds Buech, wo die Ältere gwählt hei,
Bringt d Generatione zunang,
Wo alli enang vil verzellt hei,
Vil Gschichte mit bsundrigem Klang.
Die Junge suechen alti Sache,
U das macht die Ältere jung.
Sie hei am Geburtstag vil z lache.
Ja, d Nora bringt alles in Schwung.

 

Bim Herr Röslein, Liebling vo de Junge,
Hilft der Älter em Jüngere guet.
Bir Nora, hei die Ältere gfunge,
Macht die Jünger der Ältere Muet.
Me gseht: Wär üüs tuet unterstütze,
Däm boue mir ou gärn e Brügg.
Das tuet jeder Altersklass nütze:
Wär hilft, überchunnt ou Hilf zrügg.

Unsere Gäste
Die Verleihung
Die Bücher