Lied zum Prix Chronos 2008

Hauzi, 23. April 2008

(Melodie: Mani Matter "Der Hansjakobli u ds Babettli")

 

Für e Prix Chronos wei mir singe,

Da sött me zersch e Musig finge.

Der Mani Matter seit: "Prix Chronos?

Schribet e Tägscht und i vertone s."

 

Buechfans vo nüün bis nünzg, das gschpür i,

Gä zäme ganz e gueti Jury.

E chly tüe si sech unterscheide,

Bim Gwünnerbuech mid glych entscheide:

Die Junge, wo gäng uf em Sprung si,

Nid glych wie die, wo s Zwöit Mal jung si.

 

Zersch ds Lieblingsbuech jetz vo de Junge:

Dört drin hei sech zwo Froue gfunge.

Die Jungi u die mit viel Jahre

Wette gärn uf Italie fahre.

 

Doch halt, ds Vergnüege ligt ir Neechi,

Mal dunger u mal i der Hööchi.

We s ache geit, de hilft kes Flueche –

Doch d Achtibahn füehrt wieder ueche.

 

D Seniorinnen u d Seniore

Hei ou es Lieblingsbuech erkore,

Wo alli Generatione

Versueche, besser zämezwohne.

 

So Tierli, wo gärn Chörnli picke,

Tüe üse Titelheld beglücke.

I däm Buech geit es gäng um Gflügel.

Der Fantasie verleiht das Flügel.

 

Öb Hüehnerhof, öb Achtibahnfahrt:

Wil ds Läbe nie genau nach Plan fahrt,

Bruuche mir alli gueti Büecher:

Die brichten üüs vo hütt u früecher.

So choi si üüs für d Zuekunft Tipps gä.

Wie schön, dass si üüs die mit Grips gä.

Die Preisverleihung 2008

Am 23. April 2008 fand im Theater am Neumarkt in Zürich die Verleihung des Prix Chronos statt. Im Rahmen des UNESCO-Welttag des Buches feierten Jung und Alt ein Fest der Literatur und der Generationen.

Kommentare unserer Teilnehmerinnen und Teilnehmer

Bewertungen_2008.pdf

Eine schöne Auswahl an Rückmeldungen zum Prix Chronos 2008 und zu den nominierten Büchern.